मुड बुस्टर फल केरा

केराले मुड बुस्टर अथवा हाम्रो मस्तिष्कलाई उत्साहित राख्ने काम गर्दछ । मुड बुस्टरको रुपमा प्रयोगका लागि सायद यो नै सबैभन्दा सस्तो ओखती होला ।

हरेक दिन एउटा केरा खाँदा स्वास्थ्यलाई फाइदा गर्दछ भन्ने कुरा सुन्दा आश्चर्य लाग्न सक्छ । वर्षौँदेखि केरा तौल बढाउने फल भनेर कुख्यात रहँदै आएको छ । अझ तौल घटाउन खोज्नेले केराको सेवन नै बन्देज गर्ने गर्दछन् जुन सबैभन्दा ठूलो गल्ती भएको अनुसन्धानले देखाउँछ ।सबैभन्दा पहिला त, केरामा एक रत्ति पनि चिल्लो हुन्न । यसकारण यसले तौल बढ्छ भन्ने हुँदैन । अनि अर्को मुख्य कुरा भनेको यसमा स्टार्चलाई प्रतिरोध गर्ने रेजिस्टेन्ट स्टार्च पनि हुन्छ । यसले गर्दा धेरैबेरसम्म शरीरलाई भोक लाग्न दिँदैन । धेरै नपाकेको, ठिक्क आकारको एउटा केराले ४.७ ग्राम रेजिस्टेन्ट स्टार्च प्रदान गर्छ, यो भनेको यसले धेरै समयसम्म अडिलो रहेर शरीरमा भोक जाग्न दिँदैन । रेजिस्टेन्ट स्टार्च प्रशस्त रुपमा खाँदा कोलेस्ट्रोल घटाउने र क्यालसियम र म्याग्नेसियमको मात्रा मिलाउने काम गर्छ, यसले शरीरलाई स्वस्थ राखी हड्डी बलियो राख्न पनि मद्दत गर्छ । साथै, पाचनप्रक्रिया पनि सहज बनाउँछ ।
केरामा सही प्रकारको कार्बोहाइड्रेट्स हुने हुनाले शरीरलाई चाहेअनुसारको शक्ति प्रदान पनि यसले गर्छ । यसमा तीन प्राकृतिक चिनीहरु हुन्छन्ः सुक्रोज, पु्रmटकोज र ग्लुकोज साथै धेरै मात्रामा फाइबर पनि पाइन्छ । यसले गर्दा शरीरमा तत्काल उर्जा प्राप्त हुन्छ भने लामो समयसम्म उर्जा शरीरमै रहिरहन्छ पनि ।
यसमा धेरै फलाम पनि हुने हुँदा रगतमा हेमोग्लोबिनको उत्पादन गर्ने काम पनि यसले गर्छ । शरीरबाट थकानलाई टाढै राख्ने हुँदा शारीरिक व्यायाम धेरै गर्ने मानिसहरुका लागि त यो फल अति नै फाइदाजनक हुन्छ । खेलाडीहरुमाथि गरेको अनुसन्धानले खेलको दौरानमा केरा खाँदा घाउचोटपटकबाट छिटो निको बनाउने भेटिएको छ । साथै, स्पोटर्स ड्रिकंस्हरुले भन्दा तुरुन्तै शरीरमा तागत भर्ने काम पनि यसले गर्ने पाइएको छ । सोही अनुसन्धानले पत्ता लगाएअनुसार केराको सेवनले शरीरमा सीओएक्स् २ को उत्पादनमा कमी ल्याउँछ जसको कमीले घाउचोटपटक लाग्दा सुन्निन र दुुख्न दिँदैन । यति मात्र होइन शरीरलाई अरु प्रकारको रोगहरु पनि लाग्न दिँदैन ।
केराले मुड बुस्टर अथवा हाम्रो मस्तिष्कलाई उत्साहित राख्ने काम गर्दछ । मुड बुस्टरको रुपमा प्रयोगका लागि सायद यो नै सबैभन्दा सस्तो ओखती होला । यसमा उच्च मात्रामा ट्रिपटोफ्यान र टाइरोसिन पाइने भएकाले हाम्रो शरीरमा सेरोटोनिन र डोपासिनको उत्पादनले यो फलले हामीलाई हँसिलो र खुशी राख्न मद्दत गर्छ । यति मात्र कहाँ हो र, केरामा पोटासियम पनि हुने हुँदा स्नायुको कार्यप्रणालीमा सहयोगी भूमिका खेल्छ । अनि केरामा हुने प्राकृतिक चिनी तुरुन्तै रक्तनलीमा जाँदा यसले हामीलाई शारीरिक रुपमा सम्पन्न राख्न मद्दत गर्छ । शरीरमा उर्जा पुर्नस्थापना गर्न होस् वा मासु तन्केर अस्वस्थ भएको होस्, केरा सहयोगी हुन्छ । खेल खेल्नुअघि वा शारीरिक व्यायाम गर्नु एक घण्टाअघि वा खेल सकेर एउटा केरा खाँदा पनि शरीरमा उर्जा पुर्नस्थापना गर्न यसले मद्दत गर्छ ।
शारीरिक व्यायाम नै नगरेपनि केरालाई हरेक दिनको हाम्रो खानाको हिस्सा बनाएर यसको भरपुर फाइदा लिन सक्छौँ । यो फललाई यत्तिकै सेवन गर्न सकिँछ, सर्वत बनाएर वा स्याण्डविचमा पनि यसको प्रयोग गर्न सकिन्छ । अरु फलपूmलहरुमा मिसाएर पनि केराको सेवन बढाउन सकिन्छ । बजारमा पाइने महँगो स्पोर्टस् ड्रिकंस्हरुभन्दा केरा प्राकृतिक रुपमा धेरै पैसा खर्चै नगरी पाइने फल हो केरा । यसकारण केराको प्रयोग गरी यसको लाभबाट नछुटौँ ।